2015 jylǵy 31 naýryz, Astana qalasy
Tikeleı sý obektilerinde ornalasqan sý sharýashylyǵy qurylystaryn paıdalaný qaǵıdalaryn bekitý týraly
Qazaqstan Respýblıkasynyń 2003 jylǵy 9 shildedegi Sý kodeksiniń 37-baby 1-tarmaǵynyń 7-7) tarmaqshasyna sáıkes, buıyramyn:
1. Qosa berilip otyrǵan Tikeleı sý obektilerinde ornalasqan sý sharýashylyǵy qurylystaryn paıdalaný qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi.
Qazaqstan Respýblıkasynyń Aýyl sharýashylyǵy mınıstri A.MAMYTBEKOV.
«KELISILGEN»
Qazaqstan Respýblıkasynyń Investısııalar jáne damý mınıstri _______________ Á. Isekeshev
2015 jylǵy « »
«KELISILGEN»
Qazaqstan Respýblıkasynyń Ulttyq ekonomıka mınıstri _______________ E. Dosaev
2015 jylǵy « »
«KELISILGEN»
Qazaqstan Respýblıkasynyń Ishki ister mınıstri _______________Q. Qasymov
2015 jylǵy « »
«KELISILGEN»
Qazaqstan Respýblıkasynyń Energetıka mınıstri ______________ V. Shkolnık
2015 jylǵy « »
Qazaqstan Respýblıkasy Aýyl sharýashylyǵy mınıstriniń
2015 jylǵy 31 naýryzdaǵy № 19-4/294 buıryǵymen bekitilgen
Tikeleı sý obektilerinde ornalasqan sý sharýashylyǵy qurylystaryn paıdalaný qaǵıdalary
1. Jalpy erejeler
1. Osy Tikeleı sý obektilerinde ornalasqan sý sharýashylyǵy qurylystaryn paıdalaný qaǵıdalary (budan ári – Qaǵıdalar) Qazaqstan Respýblıkasynyń 2003 jylǵy 9 shildedegi Sý kodeksiniń 37-babynyń
7-7) tarmaqshasyna sáıkes ázirlengen jáne tikeleı sý obektilerinde ornalasqan sý sharýashylyǵy qurylystaryn (budan ári – sý sharýashylyǵy qurylystary) paıdalanýdy júzege asyrý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) aǵymdaǵy jóndeý – tirek elementterdi qospaǵanda, sý sharýashylyǵynyń qurylystary konstrýksııasynyń jekelegen elementterin aýystyrýdy nemese qalpyna keltirýdi kózdeıtin jumystar kesheni;
2) basseındik sý sharýashylyǵy basqarmalary (budan ári – basseındik basqarmalar) – ýákiletti organnyń oblystarda bólimderi bar negizgi mindeti tıisti basseın aýmaǵynda sý qoryn paıdalaný men qorǵaý salasynda memlekettik basqarýdy júzege asyrý bolyp tabylatyn óńirlik organdary (eki jáne odan da kóp oblystardyń aýmaqtarynda olardyń qyzmeti júzege asyrylady jáne onyń ókilettikteri qoldanylady);
3) jobalaý uıymy – obektini (qurylysty) jobalaǵan kásiporyn nemese tıisti obektilerdi (qurylystardy) jobalaý jónindegi mamandandyrylǵan kásiporyn;
4) jóndeý – sý sharýashylyǵy qurylystarynyń jaramdylyǵyn qalpyna keltirý jónindegi jumystar kesheni (jóndeýdiń túrleri aǵymdaǵy jóndeý men kúrdeli jóndeý bolyp tabylady);
5) kúrdeli jóndeý – sý sharýashylyǵy qurylystarynyń konstrýksııasynyń kez-kelgen elementterin, onyń ishinde tirek elementterin aýystyrýdy nemese qalpyna keltirýdi kózdeıtin jumystar kesheni;
6) qalypty paıdalaný – sý sharýashylyǵy qurylystaryn onyń jobalyq parametrlerine sáıkes paıdalaný;
7) naqty tozý – mehanıkalyq tozýdyń, korrozııanyń, deformasııalar men qıraýdyń saldarynan sý sharýashylyǵy qurylystarynyń jobada belgilengen óziniń parametrlerin birtindep joǵaltýy;
8) paıdalaný – sý sharýashylyǵy qurylystarynyń maqsaty boıynsha paıdalanylatyn, jaramdy jaı-kúıde ustalatyn jáne qurylys jobasynda belgilengen bastapqy parametrlerdi alǵanǵa deıin qalpyna keltiriletin tirshilik sıklynyń satysy (paıdalaný qurylysty maqsaty boıynsha paıdalanýdy jáne ony tehnıkalyq paıdalanýdy qamtıdy);
9) paıdalaný rejımi – qurylys jobasynda aıqyndalatyn nemese sý sharýashylyǵy qurylystaryn paıdalaný prosesinde belgilengen parametrleri bar sý sharýashylyǵy qurylystaryn maqsaty boıynsha paıdalaný qarqyndylyǵy;
10) paıdalaný sharttary – sý sharýashylyǵy qurylystarynda paıdalaný kezinde oǵan áser etetin faktorlar jıyntyǵy;
11) paıdalanýdan shyǵarý – sý sharýashylyǵy qurylystarynyń taǵaıyndalýy boıynsha odan ári paıdalaný men jóndeýdiń múmkin emestigin nemese tıimsizdigin tirkeıtin jáne belgilengen tártippen qujattamalyq resimdelgen oqıǵa;
12) paıdalanýǵa engizý – sý sharýashylyǵy qurylystarynyń maqsaty boıynsha paıdalanýǵa daıyndyǵyn tirkeıtin jáne belgilengen tártippen qujattamalyq resimdelgen oqıǵa;
13) rekonstrýksııalaý – sý sharýashylyǵy qurylystarynyń parametrlerin qalpyna keltirý, jaqsartý nemese jańa paıdalaný rejımi kezinde onyń maqsattaryn ózgertý jónindegi jumystar kesheni;
14) sý qoryn paıdalaný jáne qorǵaý, sýmen jabdyqtaý, sý burý salasyndaǵy ýákiletti organ (budan ári – ýákiletti organ) – eldi mekender sheginen tys jerlerde sý qoryn paıdalaný jáne qorǵaý, sýmen jabdyqtaý, sý burý salasyndaǵy basqarý men baqylaý fýnksııalaryn júzege asyratyn memlekettik organ;
15) sý obektisi – shekarasy, kólemi men sý rejımi bar qurlyq beti bederlerindegi jáne jer qoınaýyndaǵy sýdyń jınaqtalýy. Olar: teńizder, ózender, solarǵa teńestirilgen kanaldar, kólder, muzdyqtar jáne basqa da jer ústi sý obektileri, jer asty sýlary bar jer qoınaýynyń bólikteri;
16) sý sharýashylyǵy qurylystary – sý resýrstarynyń paıdalanylýy men qorǵalýyn retteý, sýmen jabdyqtaý, sýdy burý jáne sýdyń zııandy áserin joıý maqsatynda jasandy qurylǵan gıdrotehnıkalyq qurylystar men qurylǵylar;
17) tehnıkalyq jaı-kúı – sý sharýashylyǵy qurylystarynyń paıdalaný prosesinde ózgeriske ushyraǵan, belgili bir ýaqyt kezeńinde qadaǵalaý arqyly anyqtalǵan belgilermen sıpattalatyn parametrler jıyntyǵy (tehnıkalyq jaı-kúı túrleri sý sharýashylyǵy qurylystarynyń jaramdylyǵy jáne jaramsyzdyǵy bolyp tabylady);
18) tehnıkalyq qyzmet kórsetý – sý sharýashylyǵy qurylystaryn maqsaty boıynsha paıdalaný kezinde olardy jaramdy kúıde ustaý jónindegi operasııalar kesheni.
3. Sý sharýashylyǵy qurylystaryn tehnıkalyq paıdalaný:
1) sý sharýashylyǵy qurylystarynyń paıdalaný rejımin belgileýmen jáne ony saqtaýmen;
2) sý sharýashylyǵy qurylystaryna tehnıkalyq qarap-tekserý, olarǵa qyzmet kórsetý jáne zerttep-qaraý júrgizýmen;
3) jóndeý-qalpyna keltirý jumystaryn qajetti kólemde ýaqtyly júrgizýmen;
4) asa mańyzdy sý sharýashylyǵy qurylystaryn rekonstrýksııalaýdy jáne jóndeýdi jańa qurylyspen baılanystyra jáne úılestire otyryp, perspektıvaly josparlaýmen;
5) sý sharýashylyǵy qurylystaryn rekonstrýksııalaýmen, aǵymdaǵy jáne kúrdeli jóndeýmen;
6) sý sharýashylyǵy qurylystarynyń qaýipsiz paıdalanylýyn qamtamasyz etetin nusqaýlyqtar men basqa da qujattardy saqtaýmen;
7) sý sharýashylyǵy qurylystaryna qyzmet kórsetetin bilikti personaldyń bolýymen;
8) sý sharýashylyǵy qurylystarynyń tehnıkalyq jaı-kúıi men paıdalanylý rejıminiń órt qaýipsizdiginiń, sanıtarlyq-epıdemıologııalyq qaǵıdalar men normalardyń talaptaryna, sondaı-aq Qazaqstan Respýblıkasynyń zańnamasynda sý sharýashylyǵy qurylystaryna belgilengen eńbekti qorǵaý jáne qaýipsizdik tehnıkasy talaptaryna sáıkestigimen qamtamasyz etiledi.
4. Sý sharýashylyǵy qurylystaryn paıdalanýdy jeke jáne zańdy tulǵa (budan ári – menshik ıesi) júzege asyrady.
2. Sý sharýashylyǵy qurylystaryn paıdalaný tártibi
5. Sý sharýashylyǵy qurylystaryn paıdalaný rejımi olardyń jobalyq sıpattamalaryna, naqty jaı-kúıine, paıdalaný sharttaryna, olardyń qyzmet etý merzimine jáne árbir sý sharýashylyǵy qurylysynyń maqsatyna sáıkes júzege asyrylady.
6. Sý sharýashylyǵy qurylystaryn paıdalaný rejıminiń ózgertilýi úsh jumys kúni ishinde basseındik basqarmany habardar ete otyryp, menshik ıesiniń ıelik etý qujatymen resimdeledi.
7. Sý sharýashylyǵy qurylysyn paıdalanýdan shyǵarǵan kezde menshik ıesi úsh jumys kúni ishinde basseındik basqarmaǵa bul týraly habarlaıdy. Sý sharýashylyǵy qurylystaryn paıdalanýdan shyǵarý menshik ıesi quratyn jumys komıssııasynyń qorytyndysy boıynsha júrgiziledi jáne sý sharýashylyǵy qurylysyn paıdalanýdan shyǵarý qajettigi týraly aktimen resimdeledi.
Jumys komıssııanyń quramyna jergilikti atqarýshy organdardyń, ýákiletti organ vedomstvosynyń, qorshaǵan ortany qorǵaý salasyndaǵy ýákiletti organnyń, azamattyq qorǵaý salasyndaǵy ýákiletti organnyń, jobalaýshy uıymdardyń, qoǵamdyq birlestikterdiń ókilderi kiredi.
8. Sý sharýashylyǵy qurylystaryn paıdalaný prosesinde tehnıkalyq qujattama júrgiziledi, onyń tizbesi osy Qaǵıdalarǵa 1-qosymshada keltirilgen.
9. Salý, rekonstrýksııalaý nemese kúrdeli jóndeý aıaqtalǵannan keıin sý sharýashylyǵy qurylystaryn paıdalanýǵa qabyldaý (engizý) «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasy Zańynyń (budan ári – Zań) 11-taraýyna sáıkes júrgiziledi.
10. Sý sharýashylyǵy qurylystaryn salý, rekonstrýksııalaý, kúrdeli jóndeý jáne paıdalanýǵa engizý jónindegi barlyq qujattamalar sý sharýashylyǵy qurylysynyń menshik ıesinde saqtalady.
11. Sý sharýashylyǵy qurylystaryn paıdalanatyn menshik ıesi sý sharýashylyǵy qurylystaryn paıdalaný rejımin saqtaýdy qamtamasyz etedi.
12. Sý sharýashylyǵy qurylystaryn paıdalanýdyń belgilengen rejımine ózgerister engizý sý sharýashylyǵy qurylystaryna júıeli túrde baıqaý nátıjeleriniń jáne olardy paıdalaný sharttarynyń ózgergeni týraly derekterdiń negizinde júrgiziledi.
13. Sý sharýashylyǵy qurylystaryn paıdalaný jabdyqtardyń jumysy kezinde jáne gıdrometeorologııalyq faktorlar áser etken kezde sý sharýashylyǵy qurylystarynyń qaýipsizdigin, saqtalýyn jáne olardyń beriktigin arttyrýdy qamtamasyz etedi.
Sý sharýashylyǵy qurylystarynyń qaýipsizdigin qamtamasyz etý sharttarynyń biri tabıǵı nemese tehnogendik sıpattaǵy apattardy nemese tótenshe jaǵdaılardy boldyrmaý jónindegi shuǵyl sharalardy qabyldaý jáne aldyn alý is-sharalaryn júrgizý úshin tómendetilmeıtin rezervti (jabdyqtar, buıymdar, toraptar, bólshekter men qurylys materıaldary) qurý bolyp tabylady.
Menshik ıesi sý sharýashylyǵy qurylystaryn paıdalaný sharttaryna jáne sý sharýashylyǵy qurylystarynyń konstrýksııalyq erekshelikterine baılanysty tómendetilmeıtin rezerv kólemin belgileıdi.
14. Sý sharýashylyǵy qurylystaryn qalypty paıdalanýǵa kedergi keltiretin nemese qurylystyń jekelegen elementteriniń qıraýyna ákep soǵatyn tabıǵı tozǵan sý sharýashylyǵy qurylystaryn paıdalanýǵa ruqsat etilmeıdi.
15. Barlyq sý sharýashylyǵy qurylystary olar úshin belgilengen paıdalaný júktemeleri normalaryn qatań túrde saqtaı otyryp paıdalanylady.
16. Sý sharýashylyǵy qurylystarynyń júktemeler belgilengen normalardan tys ulǵaıtýǵa ruqsat etilmeıdi. Sý sharýashylyǵy qurylystaryn paıdalanýdy júzege asyratyn menshik ıesi sý sharýashylyǵy qurylystaryna ruqsat beriletin júktemeler normalarynyń saqtalýyn qamtamasyz etedi.
17. Sý sharýashylyǵy qurylystaryna arnalǵan paıdalaný júktemeleriniń normalary qurylystyń konstrýksııalyq elementteriniń naqty jaı-kúıin jáne onyń qyzmet etý sharttarynyń jobalaý jáne salý kezinde alǵash qabyldanǵan sharttarǵa sáıkestigin eskere otyryp, udaıy qaıta qaralady jáne árbir sý sharýashylyǵy qurylystary úshin belgilenedi. Paıdalaný júktemeleri normalaryn qaıta qaraýdy jobalaý uıymynyń zerttep-qaraýdan keıingi usynymdary negizinde menshik ıesi júrgizedi.
18. Sý sharýashylyǵy qurylystarynyń paıdalaný sharttary men olardyń jaı-kúıi ózgergen jaǵdaıda, jobalaý uıymy esep aıyrysýdy júrgizedi, onyń nátıjeleri boıynsha sý sharýashylyǵy qurylystarynyń menshik ıesi paıdalanýdyń jańa rejımin belgileıdi.
19. Sý sharýashylyǵy qurylystaryn qysqy kezeńde paıdalanǵan kezde menshik ıesi aýdannyń klımattyq jáne gıdrometeorologııalyq sıpattamalary men sý sharýashylyǵy qurylystarynyń konstrýksııalyq erekshelikterin eskere otyryp, qysqy jaǵdaılarda tehnıkalyq paıdalaný jónindegi is-sharalardy ázirleıdi.
3. Sý sharýashylyǵy qurylystaryna tehnıkalyq qyzmet kórsetý
20. Sý sharýashylyǵy qurylystaryna tehnıkalyq qyzmet kórsetý:
1) belgilengen paıdalaný rejımin jáne qurylystardyń jaı-kúıin baqylaýdy qamtamasyz etetin baıqaýlardy;
2) qondyrǵylar men jabdyqtardy jaramdy jaı-kúıde ustap turý jónindegi jumystardy;
3) jaǵalaýdy nyǵaıtý qurylystarynyń betkeılerin lastanýdan tazartýdy, sý sharýashylyǵy qurylystarynyń sý ústi bóliginiń usaq zaqymdanýlary men aqaýlaryn joıýdy;
4) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 145-babyna sáıkes sý sharýashylyǵy qurylystarynda sanıtarııalyq-epıdemıologııalyq talaptar normalaryn saqtaý jónindegi jumystardy qamtıdy.
21. Túbin tazalaý jónindegi jáne basqa da sý asty jumystardy, sondaı-aq sý sharýashylyǵy qurylystaryna qyzmet kórsetýge baılanysty jarylys jumystaryn mamandandyrylǵan uıymdar júrgizedi.
22. Menshik ıesi sý sharýashylyǵy qurylystarynyń sý asty bóligine zerttep-qaraý júrgizýdi mamandandyrylǵan uıymdardy tarta otyryp qamtamasyz etedi.
23. Sý sharýashylyǵy qurylystaryn paıdalanýdy júzege asyratyn menshik ıesi osy qurylystardyń sý ústi bóliginde sanıtarııalyq-epıdemıologııalyq talaptar normalarynyń saqtalýyn qamtamasyz etedi.
24. Menshik ıesi sý sharýashylyǵy qurylystarynyń betkeılerinde aqaýlar paıda bolǵan kezde betkeılerdiń keskinin qalpyna keltirý jáne olardy bekitý jóninde shuǵyl sharalar qabyldaıdy.
25. Sý sharýashylyǵy qurylystarynyń menshik ıesi sý sharýashylyǵy qurylystaryn turaqty tehnıkalyq baıqap-qaraýdy, kezeńdik tehnıkalyq baıqap-qaraýdy, kezekti jáne kezekten tys tehnıkalyq tekserýler júrgizýdi jáne olardy paıdalanýdaǵy rejımniń saqtalýyn baqylaýdy kózdeıdi.
26. Tehnıkalyq jaı-kúıi men paıdalaný rejımi sý sharýashylyǵy qurylystaryn paıdalanýdyń búkil kezeńinde sý sharýashylyǵy qurylystaryn tehnıkalyq baıqap-qaraýdy jáne zerttep-qaraýdy júzege asyrý jolymen aıqyndalady.
Tehnıkalyq qaraý men tekserýler:
1) turaqty tehnıkalyq baıqap-qaraýdy;
2) kezeńdik tehnıkalyq baıqap-qaraýdy;
3) kezekti jáne kezekten tys zerttep-qaraýdy qamtıdy.
27. Kezeńdik tehnıkalyq baıqap-qaraýdy, sondaı-aq sý sharýashylyǵy qurylystaryn kezekti jáne kezekten tys zerttep-qaraýdy júrgizý úshin menshik ıesi komıssııa qurady, onyń quramyna menshik ıesiniń ókili, jobalaý uıymynyń, jergilikti atqarýshy organnyń, ýákiletti organ vedomstvosynyń, qorshaǵan ortany qorǵaý salasyndaǵy ýákiletti organnyń, azamattyq qorǵaý salasyndaǵy ýákiletti organnyń, qoǵamdyq birlestikterdiń ókilderi kiredi.
28. Turaqty tehnıkalyq baıqap-qaraýdy sý sharýashylyǵy qurylysyn paıdalanýshy menshik ıesi júrgizedi.
29. Turaqty tehnıkalyq qaraý nátıjeleri osy Qaǵıdalarǵa 2-qosymshaǵa sáıkes nysan boıynsha tikeleı sý obektilerinde ornalasqan sý sharýashylyǵy qurylystarynyń jaı-kúıi men olardy paıdalaný rejımine tehnıkalyq baıqap-qaraýdy júrgizý jýrnalyna túsiriledi.
Sý sharýashylyǵy qurylystarynyń jaýapty qyzmetkeri tehnıkalyq baıqap-qaraýdy júrgizý jýrnalyn toqsan saıyn qarap otyrady jáne sý sharýashylyǵy qurylystaryna tehnıkalyq qyzmet kórsetý men olardy aǵymdaǵy jóndeý sapasyna jalpy baǵa beredi.
30. Sý sharýashylyǵy qurylystaryn turaqty tehnıkalyq baıqap-qaraýdyń kezeńdiligi sý sharýashylyǵy qurylystarynyń tehnıkalyq jaı-kúıine jáne olardy paıdalaný sharttaryna baılanysty belgilenedi, biraq bir toqsanda keminde bir ret bolýy kerek.
31. Kezeńdik tehnıkalyq baıqap-qaraý sý sharýashylyǵy qurylystarynyń jaı-kúıi týraly tolyq málimet beredi jáne paıdalaný boıynsha jóndeý men basqa da is-sharalardy josparlaýǵa arnalǵan derekterdi qamtıdy.
32. Sý sharýashylyǵy qurylystaryn kezeńdik tehnıkalyq baıqap-qaraý jylyna keminde bir ret júrgiziledi. Kezeńdik tehnıkalyq baıqap-qaraýdyń nátıjeleri tehnıkalyq baıqap-qaraý aktisi túrinde resimdeledi.
Sý sharýashylyǵy qurylystaryna kezeńdik tehnıkalyq baıqap-qaraýdy júrgizý jónindegi materıaldardy menshik ıesiniń paıdalaný qyzmetiniń qyzmetkerleri jınaqtaıdy jáne saqtaıdy.
33. Sý sharýashylyǵy qurylystaryn kezekti zerttep-qaraý qurylystardyń jaı-kúıine jáne olardy paıdalaný sharttaryna baılanysty júrgiziledi.
34. Sý sharýashylyǵy qurylystarynyń tehnıkalyq jaı-kúıin jalpy baǵalaý jáne olardy jóndeý nemese qaıta jaılastyrý jónindegi usynymdardy qamtıtyn kezekti zerttep-qaraýdyń negizgi nátıjeleri zerttep-qaraý týraly aktimen resimdeledi.
35. Sý sharýashylyǵy qurylystaryn kezekten tys zerttep-qaraý olardy qalypty paıdalaný sharttary buzylǵan jaǵdaıda nemese olar apatty bolǵanda, sondaı-aq yǵysýy, deformasııasy nemese zaqymdanýy anyqtalǵan jaǵdaıda júrgiziledi.
36. Kezekten tys zerttep-qaraýdyń nátıjeleri boıynsha zerttep-qaraý (zertteýler) aktileri negizinde komıssııa anyqtaǵan buzýshylyqtardy joıý jóninde jóndeý jumystarynyń tizbesin jasaıdy, olar jóndeý jumystarynyń josparyna engiziledi.
37. Sý sharýashylyǵy qurylystaryn jáne jabdyǵyn jóndeý (aǵymdaǵy, kúrdeli) turaqty, kezeńdik tehnıkalyq zerttep-qaraýdyń, kezekti jáne kezekten tys zerttep-qaraýdyń nátıjeleri boıynsha josparlanady.
38. Sý sharýashylyǵy qurylystaryn kúrdeli jóndeýdi jáne rekonstrýksııalaýdy Zańnyń 65-babyna sáıkes Qazaqstan Respýblıkasynyń aýmaǵynda sáýlet, qala qurylysy jáne (nemese) qurylys qyzmetiniń tıisti túrlerin júzege asyrýǵa lısenzııasy bar jeke jáne zańdy tulǵalar oryndaıdy.
Tikeleı sý obektilerinde ornalasqan sý sharýashylyǵy qurylystaryn paıdalaný qaǵıdalaryna 1-qosymsha
Tikeleı sý obektilerinde ornalasqan sý sharýashylyǵy qurylystaryn paıdalaný jónindegi tehnıkalyq qujattamanyń tizbesi
№ Qujattamanyń ataýy Qujattamany júrgi-zetin laýazymdy tulǵalar Qujattamany saqtaý orny Eskertpe
1 2 3 4 5
1 Sý sharýashylyǵy qurylystarynyń jaı-kúıin jáne olardy paıdalaný rejımin tehnıkalyq baıqap-qaraýdyń jýrnaly menshik ıesi menshik ıesi toltyrylǵan jýrnaldar tehnıkalyq muraǵatta saqtalýy tıis
2 Sý sharýashylyǵy qurylystaryn kezeńdik tehnıkalyq baıqap-qaraý jónindegi aktiler men esepter kezeńdik baıqap-qaraýdy júrgizý jónindegi komıssııa jáne menshik ıesi menshik ıesi kezeńdik baıqap-qaraýdy júrgizý jónindegi materıaldar esepke jınaqtalady
3 Sý sharýashylyǵy qurylystaryn kezekti baıqap-qaraý týraly akt kezekti zerttep-qaraýdy júrgizý jónindegi komıssııa jáne menshik ıesi menshik ıesi
4 Sý sharýashylyǵy qurylystaryn kezekten tys zerttep-qaraýdy týraly akti kezekten tys zerttep-qaraýdy júrgizý jónindegi komıssııa jáne menshik ıesi menshik ıesi
5 Sý sharýashylyǵy qurylystaryn kúrdeli jóndeý jónindegi jumys-tardy qabyldaý-tapsyrý aktileri qurylystardy kúrdeli jóndeýden qabyldap alý jónindegi komıssııa menshik ıesi
Tikeleı sý obektilerinde ornalasqan sý sharýashylyǵy qurylystaryn paıdalaný qaǵıdalaryna 2-qosymsha
nysan
Tikeleı sý obektilerinde ornalasqan sý sharýashylyǵy qurylystarynyń jaı-kúıin jáne
olardy paıdalaný rejımin tehnıkalyq baıqap-qaraý jýrnaly
_____________________________________________________________________________________
sý sharýashylyǵy qurylysy
Sý sharýashylyǵy qurylystarynyń jaı-kúıin jáne olardy paıdalaný
rejımin tehnıkalyq baıqap-qaraý jýrnaly №_____________________________________________
sý sharýashylyǵy qurylysyn paıdalanýshy menshik ıesi
_____________________________________________________________________________________
_____________________________________________________________________________________
tegi, aty, ákesiniń aty (bolǵan jaǵdaıda) jáne qoly
_____________________________________________________________________________________
jýrnaldy júrgizýshi qyzmetkerdiń laýazymy, tegi, aty, ákesiniń aty (bolǵan jaǵdaıda) jáne qoly
Jýrnaldy júrgizýdiń bastalǵan nemese jalǵastyrylǵan kúni
Bastalýy: ____________________
Jalǵastyrylýy: ______________
Turaqty tehnıkalyq qaraýlar Anyqtalǵan aqaýlardy joıý jónindegi is-sharalar
Kúni, sany, aıy, jyly Baıqap-qaraýdyń nátıjeleri jáne anyqtalǵan aqaýlardy joıý jóninde belgilengen is-sharalar Kúni, aıy, jyly Oryndalǵan jumystar týraly málimetter
1 2 3 4
Buıryq Qazaqstan Respýblıkasynyń Ádilet mınıstrliginde 2015 jylǵy 28 shildede Normatıvtik quqyqtyq kesimderdi memlekettik tirkeýdiń tizilimine №11775 bolyp engizildi.